Marder

Aus Hessischpedia

Der Madder

-Gedischt-

Sonnisch wars unn warm unn lischt,

als Gretsche zu dem Heiner spischt:

"Komm' moi Lieber, sei ganz helle

und kipp die Fenster tief im Keller!!"

Des Lüfte der Zimmer in dem Haus

lockt awwer an so manch Maus,

die sucht ein Platz zum Nestsche baue

warm unn trocke hinner Mauern.

Doch aach die Madder unn die Radde,

brauche Nische hinner Ladde,

ein Platz zum Schlafe unn zum Pfleje,

de Nachwuchs gilt s gut zu heesche!!

So manscher Madder lebt ganz froh,

in alte Schaiern hoch im Schtroh.

Auch ein alter Schuppe voller Holz,

ist mansche Marders ganzer schtolz.

Ds Nachts gäjd er uff Wanderschaft,

beißt so mansche Motor pladd.

Auch hält er schtraßenweis' die Mensche wach,

wenn er wie ein Säugling schreit mit aller Macht.

Ist niedlisch, gar ein nedder, schöner Kamerad

voll Grazie, schlank, lustisch, listisch, voll uff Draht.

Und schafft sisch, wenn er is gar zu munner,

dorsch gekippte Fenster im Keller unnne.

Dort im Keller schpielt er dann mit großem Schpaß,

mit Kiste, Karton, Rohr unn Eunmachglas,

kratzt sisch, kackt dann dreimol in de Flur:

"Ei, wie komm isch denn nach drauße nur!!"

Des gekippte Fenster wädd ihm zur Fall,

im Haus, im Keller orrer selwer in aaner Hall.

So wartet er einsam unn voller Ungeduld,

ist an seim Elend selwer joh schuld.

So war s letzt in Schorschehause,

als mer entdeckt im Keller voller Grause,

die Schpure vunn dem Ungetier,

zwische Woi unn Flaschenbier.

Alarm - ein Marder!! Gift muss her !!

Gretsche, bring' mer mein Gewehr !!

Erzählt' mer bloß nix zu de Mädsche,

erzeugt blous Angst unn Dauerschäde.

Nach der erschde Aufregung dann der Plan,

des Tier mit Waffe, Mut unn all Mann,

zu treiwe aus ds Kellers gut Verschdeck,

und schunn wurd' der Plan vollstreckt.

Unerschrocke, im Hand ein Bese,

öffnet sisch die Tür zum Böse!!

Dahinner sitzt des Monster - kugelrund,

war kaan Madder, kaan Katz, kaan Hund.

Voller Schtachel, ängstlisch, mit Herzklobbe

am Bode, sitzt ein Igel, roll sisch rund unn schpielt de Tote.

Lässt sisch mit dem Blummedibbe ins Freie bringe,

und schunn gugg mer ihn ins Grüne schpringe.

Die Moral vunn der Geschischt' sei,

dem Madder wurd Unrescht do zu teil.

Auch der liebe, ruhische Igel kann entsetze,

de Mensche in Angst unn Not versetze.

Vadder Pemm, Schorschehause, 2001