Dieburg

Aus Hessischpedia

Dieser Artikel ist in Mundart verfasst.

• Dieborsch is e Schtadt in Hesse mit rund 15200 Euwohner. Die ehemalische Kreisstadt vumm Altkreiss Dieborsch im östlische Gebiet vumm Landkreiss Darmschtadt-Dieborsch bietet als Middelzentrum (Industrie-, Dienstleistungs-, Hochschul- unn Schulstandort) Arbeitschplätz für die Region (Grouß-Umschtadt, Grouß-Zimmern, Bawwehause, Eppertshause, Münster unn Rödermark). Dieborsch is aaner der Schtandorte der Hochschul Darmschtadt. Dieborsch liegt in Südhesse, circa 15 km östlisch vunn Darmschtadt im weitläufige Tal der Gerschprenz. Südlisch beginnt des Dieborscher Land, des hügelisch in des Middelgebirge vumm Ourrewold iwwergäjd, nördlisch unn westlisch laie ausgedehnte Waldgebiete. Geologisch is Dieborsch dorsch des Tal der Gerschprenz geprägt. Die Böde beschdehe überwiegend aus Ablagerunge wie Kies, Sand unn Ton. Dieborsch hot kaa Schtadddeil. Trotzdem gibt s für die Dieborscher awwer Verddel, die die Schtadt weiter unnerteile. E Grenze zwische Dieborsch-Ost unn Dieborsch-West verläuft quer über de Leerparkplatz, de größte Parkplatz, westlisch der Innenstadt. Die Grenzlinie zwische Dieborsch-Süd unn Dieborsch-Nord bildet die Bahnlinie vunn Aschaffenburg noch Darmschtadt.

• Nach der Eroberung vumm Gebiets dorsch die Franke wurd in Dieborsch unn im nahe Grouß-Umschtadt ein Königshof installiert. Die Siedlung war zu dieser Zeit als Altenstadt bekannt unn konzentrierte sisch um de Bereisch der Wallfahrtskäische, dere Urschprungsbau schpäteschdens karolingisch is unn en römische Vorgängerbau besitzt, desse Zweckbestimmung unbekannt is. Die Hauptstraße dieser Siedlung trägt heit noch de Name Altstadt, obwohl se außerhalb der Mauern vumm middelalterlische Dieborschs lag. Diese middelalterlich Schtadt Dieborsch wurd erschdmals im Jahr 1169 als Castrum Dieteburg erwähnt. Se is e Schtadt, die planmäßisch im Bereisch zwische der Wasserburg inde Gerschprenz unn der Altenstadt angelegt wurd. Eehr mustergültischer Grundriss mit differenzierte Haupt- unn Nebengasse, Schtadtmauer mit Gräwe, Burg, Markt unn neuer Pfarrkäische is heit noch im Schtadtplan zu erkenne. Die Schtadt kam horddisch in die Abhängigkeit vumm Erzbistums Mainz. Nach der Schtadtgründung blieb Altenstadt als Vorstadt mit der Wallfahrtskäische erhalte.

• Der Name der Schtadt bedeutet so ebbes Volksburg da des Wort Diete vom altdeitsche diot = Volk schtammt. Im Verluff vumm Middelalter wurd Dieborsch kurmainzisch unn Residenz zahlreischer Adelsfamilie, die vunn do aus ihre umliegende Besitzunge verwaltete. Des Schloss der Familie vunn Feschenbach is als Schtadtmuseum erhalte. Die alte Burg wurd zum Schloss der Familie Albini umgestaltet unn dient nach einige Umbaute heit (noch) als Landratsamt. Die urkundlich Erschderwähnung vunn Bewirtunge am Aschermiddwoch im Jahre 1508 gilt als erschder Beleg der Dieborscher Fastnacht.

• Im Zuge vumm Bauernuffstand vunn 1525 wurd des Schloss unn der kurfürstlich Vorratskeller geplündert. Die aufständische Bauern wurdn im Ourrewald unn am Main vunnem Söldnerheer geschlage. Midde vumm 16. Johrhunnerts is die Mehrheit der Bürger katholisch, in de Jahrn 1582 bis 1586 kam s zu Konfessionsstreitigkeite zwische dem protestandisch dominierte Schtadtrat unn dem katholische Parrer. Um 1600 entsteht midde uffm Marktplatz des (nimmer erhaltene) Renaissance-Rathaus. Zwische 1606 unn 1613 leidet die Bevölkerung unner aaner Peschdepidemie, in dere Verluff die Hexenprozesse (seit 1596) werrer auflorrern. Im Dreißigjährige Krieg kam s zu Truppendorschzüge der Schpanier, Pfälzer unn Bayern. Mit de Soldate wurd werrer die Pest oigschleppt. 1622 brandschatzte der protestandische Heerführer Ernst vunn Mansfeld die ungeschützte Vororte. Beim Friedensschluss bot Dieborsch ein trostloss Bild: Die sSchtadt halb zerfalle, die Vorstädte zerschdört, die Verteidigungsanlage desolat, die Bevölkerung schtark uff blous noch 500 Einwohner dezimiert. S folgte der religiöse Werreraufbau unn die Werrerbelebung der Wallfahrt (1675). Mit de nai errischtete Schlössern Schtockau nebst weiträumigem Schlossgarte (1699) unn Feschenbach (1717) entfaltete sisch aach in Dieborsch barocke Pracht. Während der Napoleonische Kriege kumme mehrmals französische Truppe nach Dieborsch.

• Zu Beginn vumm 19. Jh. wurd Dieborsch hessisch unn Kreisstadt vumm Kreiss Dieborsch inde Provinz Schtarkenburg im Groußherzochtum Hesse. Zeitweise war s Sitz vumm Regierungsbezirks Dieborsch. Dorsch die frühe Anbindung an die Hessische Ludwigsbahn - der Bahnhof wurd 1861 erbaut unn 1863 fertisch geschdellt - konnte sisch Dieborsch aach industriell entwickeln. Ebenso entstande ca. 200 Handwerksbetriebe. 1895 wurd Dieborsch noch an die Dreieischbahn angebunde.

• 1977 wurd der Kreis Dieborsch mit dem Landkreis Darmschtadt vereinigt. Dieborsch verlor so seine Kreisstadtstatus. Seit 2004 werrn Dahl vumm teilweise in Dieborsch noch ansässige Landratsamts nach Darmschtadt-Kranischstoa (des nedd dem Landkreis angehört) übersiedelt. Die schtaatliche Abteilung wädd dafür in Dieborsch (auch für de Westkreis) konzentriert. Dorsch de vunn der Landesregierung bedriwwener Abzug vumm Kataster-, Gesundheits- unn Schulamts wädd die 1900 Jahre währende Middelpunktfunkzion inde Verwaltung der Region aus finanzielle Gründe weiter erheblisch geschwäscht. Middlerweil schtehe zwaa denkmalgeschützte Landesliegenschafte aus der Gründerzeit (des alte Amtsgerischt unn die alte Polizeistazion, die dorsch en Neubau am Schtadtrand ersetzt wurd) leer. Bis 2010 soll aach der Rest der verbliewee Kreisverwaltung nach Darmschtadt-Kranischstein umziehe.